តើការកក់សក់រាល់ថ្ងៃប៉ះពាល់សក់ឬទេ?
ដើម្បីទទួលបានភាពស្រស់ស្អាតតាមសេចក្ដីត្រូវការ ស្រ្ដីជាច្រើនកក់សក់របស់នាងរាល់ថ្ងៃ ដោយប្រើផលិតផលដែលអាចបង្កផលប៉ះពាល់យ៉ាងជាក់ស្ដែងដល់សក់របស់ពួកនាង និងធ្វើឱ្យស្បែកក្បាលស្ងួតដូចជា ការប្រើប្រាស់សាប៊ូ ថ្នាំអប់សក់ និងផលិតផលព្យាបាលសក់ដទៃទៀតខ្លាំងៗ។ ការកក់សក់របស់អ្នកគឺជារឿងសំខាន់យ៉ាងពិតប្រាកដ ល្គិកណាអ្នកចង់ឱ្យវាមានភាពស្រស់ស្អាត មានសុខភាពល្អ ស្រស់ស្រាយ និងទន់រលើបរលោង។ យើងទាំងអស់គ្នាគួរចងចាំក្នុងចិត្ដថា អ្វីៗដែលលើសកំណត់មិនមែនជាការល្អនោះទេ ដូច្នេះការព្យាបាលសក់របស់អ្នកដោយទម្លាប់លាងសម្អាតជាញឺកញាប់មិនត្រឹមតែមិនចាំបាច់ប៉ុណ្ណោះទេ ប៉ុន្ដែថែមទាំងអាចធ្វើឱ្យសក់របស់អ្នកស្ងួត និងខូចទៀតផង។ ផលិតផលថែរក្សាសក់ភាគច្រើន ដែលស្រ្ដីប្រើប្រាស់មានផ្ទុកបរិមានច្រើននៃសារធាតុគីមី ដែលធ្វើឱ្យខូចជាតិសរសៃFiber របស់សក់។ ប៉ុន្ដែសូមកុំបារម្ភអី យើងបាននាំមកនូវចម្លើយដើម្បីឆ្លើយតបទៅនឹងក្ដីកង្វល់របស់មិត្ដអ្នកអាននៅក្នុងអត្ថបទនេះ។
តើជារឿងល្អឬទេក្នុងការប្រើសាប៊ូ?
មែនហើយប្រាកដជាល្អ ប៉ុន្ដែមិនគួរប្រើញឹកញាប់នោះទេ។ វាជារឿងផ្សេងគ្នារវាងការកក់សក់របស់អ្នកជាមួយផលិតផលធម្មជាតិ និងកក់សក់របស់អ្នកជាមួយនឹងផលិតផលផ្ទុកសារធាតុគីមី ប៉ុន្ដែទោះជាយ៉ាងណាគួរប្រើផលិតផលថែរក្សាសក់បែបធម្មជាតិដូចជា ផលិតផលប្រទាលកន្ទុយក្រពើ ឬប្រេងដូង ពីព្រោះវាមានផ្ទុកសមាសធាតុផ្សំ ដែលផ្ដល់ក្លិនពិសេស និងពណ៌រលើបរលោងដល់សក់របស់អ្នក និងថែមទាំងមានផ្ទុកសារធាតុរក្សាសក់មិនឱ្យផ្អូមទៀតផង។
តើខ្ញុំគួចៀសវាការប្រើសាស៊ូមែនទេ?
ទេ អ្នកមិនចាំបាច់ត្រូវចៀសវាងការប្រើសាប៊ូនោះទេ។ និយាយដោយស្មោះ អ្នកមិនចាំបាច់ធ្វើអ្វី ដែលហួសហេតុនោះទេ។ យើងគ្រាន់តែណែនាំអ្នកយ៉ាងសាមញ្ញឱ្យកាត់បន្ថយចំនួនដង ដែលអ្នកកក់សក់របស់អ្នកក្នុងមួយសប្ដាហ៍ប៉ុណ្ណោះ និងកាត់បន្ថយបរិមាណសាប៊ូដែលអ្នកប្រើសម្រាប់ការកក់សក់ម្ដងៗ។ ម្យ៉ាងទៀតយើងសូមណែនាំឱ្យអ្នកប្រើសាប៊ូកក់សក់ ដែលផលិតឡើងតាមរូបមន្ដធម្មជាតិ។
ដូច្នេះតើខ្ញុំគួរកក់សក់ប៉ុន្មានដងក្នុងមួយសប្ដាហ៍ទើបប្រសើរ?
ចំណុចនេះ គឺមានការជំទាស់ទៅនឹងអ្នកឯកទេសថែរក្សាស្បែក និងអ្នកជំនាញថែសម្ផស្ស។ មនុស្សមួយចំនួននិយាយថា វាជារឿងចាំបាច់ក្នុងការកក់សក់របស់អ្នកជារៀងរាល់ថ្ងៃ ដើម្បីថែរក្សាសក់ និងស្បែកក្បាលរបស់អ្នកឱ្យមានសុខភាពល្អ ខណៈពេលមនុស្សដទៃទៀតជឿជាក់ថាអ្នកគ្រាន់តែកក់សក់របស់អ្នកម្ដងប៉ុណ្ណោះក្នុងមួយសប្ដាហ៍បានហើយ។ ការសម្របសម្រួលដ៏ល្អរវាងគំនិតផ្ទុយគ្នាទាំងពីរនេះគឺអ្នកគួរកក់សក់ ២ ទៅ ៣ថ្ងៃ ម្ដងក្នុងមួយសប្ដាហ៍។ ដោយការអនុវត្ដដូច្នេះ អ្នកនឹងប្រាកដថាមិនប្រើសាប៊ូច្រើនពេក និងការពារសារធាតុគីមីពីការកពូននៅលើស្បែកក្បាលរបស់អ្នក។ អ្នកអាចបន្តប្រើផលិតផលដដែលនេះក៏បាន គ្រាន់តែប្រើក្នុងបរិមាណតិចបានហើយ។ វិធីនេះ អ្នកអាចរក្សាទម្លាប់របស់អ្នកបានខ្ជាប់ខ្ជួន ដោយមិនគ្របដណ្ដប់ក្បាលរបស់អ្នកដោយសារធាតុគីមី៕
No comments:
Post a Comment