តបំផុតចំនួន ១០ នេះ
ថ្វីត្បិតតែប្រទេសអូស្ត្រាលីជាប្រទេសមួយដែលមានអាកាសធាតុក្តៅ ក៏ប៉ុន្តែនៅតាមតំបន់មួយចំនួនមិនដូចអ្វីដែលលោកអ្នករំពឹងទុកនោះទេ។ ប្រទេសដ៏ជឿនលឿនស្ថិតនៅភាគខាងត្បូងមហាសមុទ្រប៉ាស៊ីហ្វិកមួយនេះ នៅមានតំបន់ស្រស់ស្អាតទាំងធម្មជាតិ និង ទីក្រុងដែលមានភាពទាក់ទាញដល់ភ្ញៀវទេសចរអន្តរជាតិទៅទស្សនាគ្មានដែនកំណត់។ ដូច្នេះបើបានទៅលេងប្រទេសនេះ សូមកុំមើលរំលងតំបន់ទេសចរណ៍ទាំង ១០នេះ!
១០) ឧទ្យានជាតិកាកាដ៉ូ (Kakadu National Park)កាកាដ៉ូ គឺជាឧទ្យានជាតិដ៏ធំបំផុត និងជាតំបន់ទេសចរណ៍យ៉ាងសម្បូរបែបដែលមានសត្វព្រៃច្រើនប្រភេទ និងដំថ្ម Aboriginal ធំៗច្រើនសន្ធឹកសន្ធាប់។ វាគឺជាឋានសួគ៌ធម្មជាតិដ៏អស្ចារមួយ។ អ្នកទេសចរអាចទស្សនាទឹកដែលមានផ្ទៃពណ៌លឿង តំបន់ទឹកធ្លាក់ Arnhem Lane តំបន់ទឹក Gunlow Plunge និង តំបន់ទឹក Billabong ទៀតផង។
៩) បារ៉ូសសា (Barossa) កន្លែងផលិតស្រាទំពាំងបាយជូរបារ៉ូសសា គឺជាកន្លែងផលិតស្រាទំពាំងបាយជូរសម្រាប់គូស្នេហ៍យ៉ាងពិសេស។ វាក៏មានសាលសិល្បៈ និង មហោស្រពប្រចាំឆ្នាំ ដែលមានការរាំរែក អាហារដ៏ល្អបែបប្រពៃណី ភ្លក់រសជាតិស្រាទំពាំងបាយជូរ និងហាងលក់វត្ថុបុរាណដទៃទៀត ជាពិសេសគឺខែ មេសា អ្នកទេសចរអាចរីករាយជាមួយមហោស្រពនៅទីនេះផងដែរ។
៨) កោះ Fraser (Fraser Island)ដោយមានផ្ទៃដីប្រមាណ ១២០ គីឡូម៉ែត្រការ៉េ កោះ Fraser ជាកន្លែងមានឆ្នេរដ៏ស្រស់ស្អាត និងជាតំបន់ព្រៃទឹកភ្លៀង ជាមួយនឹងឆ្នេរខ្សាច់ លម្អទៅដោយ បក្សី សត្វព្រៃ ត្រីទាំងគូៗជាច្រើន និងបឹង McKenzie ដែលមានខ្សាច់ពណ៌ស ហើយមានខ្យល់បរិសុទ្ធបានធ្វើឲ្យទីនោះក្លាយជាឋានសួគ៌នៅលើដីសម្រាប់អ្នកទេសចរ។
៧) ព្រៃទឹកភ្លៀង (Daintree Rainforest)រដ្ឋ Queensland គឺមានព្រៃទឹកដ៏ធំបំផុតមួយដែលអាចឲ្យភ្ញៀវទេសចរណ៍មានឱកាសគយគន់សម្រស់ធម្មជាតិ ធ្វើដំណើរផ្សងព្រេង ដំណើរកម្សាន្តតាមទូកមើលសត្វក្រពើទៀតផង។ ទីនោះគឺល្អបំផុតសម្រាប់អ្នកស្រលាញ់ធម្មជាតិ និងសត្វព្រៃ។ អ្នកទេសចរក៏អាចភ្លក់រសជាតិផ្លែឈើ ដូចជាផ្លែសូកូឡា និងផ្លែ Pie ជាដើម។
៦) ផ្លូវសមុទ្រដ៏អស្ចារ្យ (The Great Ocean Road)(The Great Ocean Road គឺជាឆ្នេរសមុទ្រដែលមានទេសភាពដ៏អស្ចារ្យមួយមានទំហំប្រហែល ២៥០ គីឡូម៉ែត្រ តាមបណ្តោយឆ្នេរសមុទ្រភាគខាងត្បូងនៃប្រទេសអូស្ត្រាលី។ វាត្រូវបានសាងសង់ឡើងក្នុងឆ្នាំ ១៩៣០ តំណាងឲ្យទាហានចំនួន ១២ នាក់ដែលបានលះបង់ជីវិតនៅទីនោះ។ បើបានទៅអូស្ត្រាលី កុំភ្លេចទៅទស្សនាកន្លែងនេះ។
៥) កោះតាសម៉ានៀរ (Tasmania)កោះតាសម៉ានៀរ នៅភាគខាងត្បូងប្រទេសអូស្ដ្រាលី មានតំបន់ភ្នំ Mount Ossa ដែលជាភ្នំខ្ពស់ជាគេ ហើយគេឲ្យឈ្មោះទីនោះថាជាកោះនៃដូងព្រលឹងពីព្រោះតែសម្រស់ធម្មជាតិរបស់វា។ ទីនោះក៏មានព្រៃក្រាស់ ទន្លេ នឹងទឹកជ្រោះដ៏ស្រស់ស្អាត់ផងដែរ។ វាគឺជាកន្លែងដ៏អស្ចារ្យសម្រាប់ភ្ញៀវទេសចរ។
៤) យ៉ូលូរ៉ូ (Uluru)ខែកក្កដាដល់ខែកញ្ញាជាពេលវេលាដ៏ល្អបំផុតសម្រាប់ទស្សនា យ៉ូលូរ៉ូ ដែលថ្មប្តូរពណ៌នៅពេលថ្ងៃរះ និងពេលថ្ងៃលិច។ វាមានកម្ពស់ ៣៤៨ ម៉ែត្រ ហើយវាត្រូវបានគេចាត់ទុកថាជាកន្លែងដ៏ពិសិដ្ឋរបស់ជនជាតិដើម និងជានិមិត្តសញ្ញារបស់ប្រទេសអូស្ត្រាលីទៀតផង។ វាក៏ជាផ្នែកមួយដែលត្រូវបានការពារដោយអង្គការយូណេស្កូ ជាអង្គការបេតិកភណ្ឌពិភពលោកដែរ។
៣) ទីក្រុងមែលប៊ឺន (Melbourne)ទីក្រុងមែលប៊ឺនបានក្លាយជាកន្លែងវិចិត្រសាលសិល្បៈដ៏ល្បីល្បាញ ដែលអាចទាក់ទាញចំណាប់អារម្មណ៍ភ្ញៀវទេសចរយ៉ាងច្រើន។ មួយវិញទៀតទីក្រុងនេះមានអគារដ៏សំខាន់ជាច្រើន ដូចជា ផ្ទះ Parliament បណ្ណាល័យរដ្ឋ ពន្ធធនាគារទីក្រុងមែលប៊ឺនចាស់ និងសាលាក្រុងមែលប៊ឺន។ ខែមីនា គឺជាខែក្កៅ ល្អបំផុតក្នុងកាទស្សនាទីក្រុងមែលប៊ឺន ព្រោះវាបានផ្តល់ភាពកក់ក្តៅដល់ភ្ញៀវទេសចរនៅក្នុងខែនេះ។
២) ទីក្រុងស៊ីដនី (Sydney)ទីក្រុងស៊ីដនីមានកន្លែងដ៏អស្ចារ្យជាច្រើនដែលធ្វើឲ្យអ្នកទស្សនាមិនចង់ចាកចេញប្រសិនបើពួកគេមានលុយគ្រប់គ្រាន់នោះ។ ស្ពាន Harbour ផ្ទះ Opera សួនសត្វ Taronga និងឆ្នេរ Bondi គឺជាកន្លែងដែលអ្នកទស្សនាមិនអាចរំលងបានឡើយ ជាពិសេសនៅពេលបុណ្យចូលឆ្នាំសាកល។
១) តំបន់ផ្កាថ្ម និងថ្មប៉ប្រះទឹកដ៏អស្ចារ្យ (Great Barrier Reef)តំបន់ផ្កាថ្ម និងថ្មប៉ប្រះទឹក គឺមានទំហំធំជាងគេបំផុតនៅលើពិភពលោកដែលមានផ្ទៃដី ២ ៦០០ គីឡូម៉ែត្រ ហើយមានអាយុកាល ២០ ០០០ឆ្នាំមកហើយ។ វាជាជម្រកនៃសត្វនិងរុក្ខជាតិច្រើនប្រភេទដែលជិតផុតពូជតែមួយគត់។ កោះ Whitsunday គឺជាកន្លែងដ៏ល្អបំផុតសម្រាប់ការកម្សាន្តដ៏អស្ចារ្យតាមរយៈការមុជ និងទស្សនាទេសភាពក្នុងទឹក៕
No comments:
Post a Comment